الأحد، 17 مارس، 2013

الربيع العاطفي

ركـب جهـاز القلـب فـي قلبـي يـا دكتـور القـلـوب
وإعـرف تـرا فـي شاشـة التخطيـط مابـه طلسمـه
القلب نبضه مـن كثـر مـا يعشـق التـرف اللعـوب
يرسم لك إسمـه مثـل مـا كـان بخفوقـي يرسمـه !
يعني على الشاشه تشوف إسمه مكرر وإمحسوب
النبضتيـن بحـرف والناتـج عـلـى إثنـيـن إقسـمـه
ذابت ضلوعي مـن غـلاه وشاشتـك يمكـن تـذوب
حـرارة الأشـواق مـا فيهـا مــن الرحـمـه سـمـه !
منها دريـت إن أحـزن اللحظـات لحظـات الغـروب
وإن أصعـب اللحظـات يـوم الهجـر يركـي ميسمـه
إي والله أحـبـه ولانــي فــي محـبـتـه إمـغـصـوب
نظرة عيونه بلسـم جروحـي ، وجرحـي بلسمـه !
وان غاب مابـه مشكلـه طيفـه عـن غيابـه ينـوب
أبتـصـبـر لـيــن لـيــل الـوصــل ربـــي يـقـسـمـه
مـا ساقتـه رجلـه علـى درب المعاصـي والـذنـوب
متقـلـد وســام العـفـاف وبالجـمـال الأوسـمــه ! !
ثـار الربيـع العاطفـي فـي خافقـي مـن كـل صـوب
مـن بعـد مـا هـب النسيـم وهاضنـي ريـح إنسمـه
من ريقه ومن مبسمه يـا لايمـي وشلـون أتـوب !
طعـم العسـل فـي ريقـه وطعـم الكـرز فـي مبسمـه
جنـوبـي ومـاهـو بـشـرط آحــب سـكـان الجـنـوب
ولا هو بشرط ابـو عسـم مـن كنيتـه فيـه إعسمـه
ما أقول أنا أشعر شخص فالعالم ولا فينـي عيـوب
لكـنـي أغـبّـر شـنـب قـافــي بكـيـفـي وأدسـمــه !
مزاجـي وطبعـي غريـب ولـي بنـات أفكـار عـوب
وأكحـل عيـون العـوب لا روّقـت والفكـر أوسـمـه
شاعر وطن وأغلب قصيدي فـي معانـاة الشعـوب
لكن ، مع العشـاق لـي موقـف وقـررت أحسمـه !
هو فيه عاشق له مثل قلبي يـا دكتـور القلـوب ؟؟
يكتب لك إسم إبشاشـة التخطيـط ماهـي طلسمـه!!


الشاعر ويكيليكس 13/3/2013

هناك تعليقان (2):

Related Posts Plugin for WordPress, Blogger...